Əbülfət Mədətoğludan yeni şeir: BİGANƏLİK AĞISI...
Yandırmaq istəmədin
Söndü içimdəki nur...
Ruhumun kəfəninə -
Döndü içimdəki nur...
Çəkiləndə tül pərdə
Gül sən düşdüyüm dərdə...
Adın gələn hər yerdə -
Göldü! - içimdəki nur...
Bu eşq sağalmaz bəla
Şam yandır , ya od qala...
Baxıb , düşdüyüm hala -
Güldü içimdəki nur!
Qəm çevrilir yaşmağa
Onu yarıb - aşmağa
Güc qalmayıb daşmağa -
Öldü, içimdəki nur!