ABŞ Türkiyə ilə müqavilə bağlamışdı ki, ona F-35 qırıcılarını satacaq. Artıq ikisinin də pulunu almışdı. Və türk pilotları da ABŞ-ın hərbi bazalarında həmin təyyarələri öyrənir və sınaq uçuşları keçirirdilər. Türkiyə Rusiyadan S-400 zenit qurğularını almaqla bağlı müqavilə imzalayandan sonra dünyanın bir nömrəli «vor zakonu» dəbbələməyə başladı. Və Senat qərar çıxartdı ki, Türkiyəyə F-35 qırıcılarının satışı qardaş ölkənin Rusiya ilə bağladığı müqavilə ləğv olunanadək qadağan edilsin. Və pilotları da göndərdilər geri.

Onu da qeyd edək ki, Türkiyə əvvəlcə, özü də NATO-nun üzvü ola-ola, ABŞ-a müraciət eləmişdi ki, hava hücumlarından müdafiə üçün onlara «Patriot» raketləri satsın. Onlar da rədd cavabı vermişdi.