"...Radikal müxalifət nümayəndələri arasında əlbəyaxa dava baş verib. Yeni yaradılan qurumun idarə heyətinin üzvləri bir-birinə giriblər..." - maraqlı xəbərdir. Bir az bundan qabaq oxuyurdum, bu yerdə ilişib qaldım.

Məni fikir götürdü:

- Görəsən onlar bir-birinə niyə giriblər?

- Necə giriblər?

- Haradan, hansı tərəfdən giriblər?

- Biri digərinə giribsə, bəs bu necə qayıdıb əvvəlkinə girib?

- Yoxsa bunlar bir-birinə necə gəldi giriblər? Yəni ki, kim kimə girdi - girdi...

- Giriblərsə, girə biliblərsə, bəs bir-birinə necə sığıblar, necə sığışıblar?

- Bir-birinə girməkdə məqsəd nə imiş?

- Girdikləri yerdə nə axtarırmışlar?

- Girib idarə heyətinin iclasını oradamı keçirəcəklər?

- Əgər giriblərsə, bəs sonra necə çıxıblar?

- Hələ çıxmayıblarsa bəs bir-birinə girənlər indi haradadırlar?

- Xüləs, bunların taleyi axırda necə olacaq?