Tədris mərkəzinin rəhbəri məhkəmə qarşısında - Xaricdə təhsil fırıldağı
Bakı Ağır Cinayətlər Məhkəməsində dələduzluqda və qanunsuz sahibkarlıqla məşğul olmaqda təqsirləndirilən "Azərbaycanda Amerika Məktəbi” Tədris Mərkəzinin rəhbəri Elvin Məmmədzadənin cinayət işi üzrə məhkəmənin hazırlıq iclası keçirilib.
BakuPost-un xəbərinə görə, prosesdə təqsirləndirilən şəxsin anket məlumatları dəqiqləşdirilib. Məhkəmə baxışı aprelin 2-nə təyin edilib.
Qeyd edək ki, "Azərbaycanda Amerika Məktəbi” ("American School in Azerbaijan -ASIA”) Tədris Mərkəzinin rəhbəri Elvin Məmmədzadə dələduzluq ittihamı ilə Baş Prokurorluq yanında Baş Korrupsiya İdarəsi tərəfindən saxlanılıb.
Məlumata görə, ABŞ səfirliyinin yaxınlığında, Azadlıq prospektində yerləşən "Azərbaycanda Amerika Məktəbi” Tədris Mərkəzinin rəhbəri E.Məmmədzadə son 2 il ərzində ABŞ-da xarici dil kurslarına göndərmək vədi ilə onlarla insanı aldatmaqda ittiham olunur.
İttihama görə, E.Məmmədzadə ABŞ-dakı xarici dil kurslarında oxumaq istəyən şəxslərin hər birindən viza və təhsil haqqı üçün 4 min dollar alıb. Lakin vədini yerinə yetirməyən E. Məmmədzadə müxtəlif bəhanələrlə həmin insanları sakitləşdirib.
Keçən ilin noyabr ayından isə tədris mərkəzinin və E. Məmmədzadənin mobil telefonuna edilən zənglərə cavab verilməyib. Bundan sonra aldadılan şəxslərin bir qrupu Baş Prokurorluq yanında Baş Korrupsiya İdarəsinə müraciət ediblər.
Cinayət işində 77 nəfər zərərçəkmiş var.
Digər Xəbərlər
27 Mart 2024 16:45
Azərbaycan beynəlxalq axtarışda olan Özbəkistan vətəndaşlarını təhvil verdi
21 Mart 2024 22:23Boşananda mərc oyunlarından qazanılan gəlir də bölünəcək - Ali Məhkəmədən qərar
15 Mart 2024 11:48Baş Prokurorluq bələdiyyə torpaqları ilə bağlı vətəndaşlara müraciət etdi
14 Mart 2024 13:16Ülvi Həsənli və Sevinc Vaqifqızı ilə bağlı YENİ QƏRAR
13 Mart 2024 18:00