adalet.az header logo
  • Bakı 7°C
23 Mart 2019 15:50
5388
GÜNDƏM
A- A+

Tbilisi-Bakı-Minsk marşrutu ilə dəmiryol konteyner daşımalarının təşkili imkanları öyrənilir

Belarus, Gürcüstan və Azərbaycan Tbilisi-Bakı-Minsk marşrutu ilə dəmiryol konteyner daşımalarının təşkili imkanlarını öyrənirlər.

Trend-in BELTA-ya istinadən verdiyi məlumata görə, bu qərar iqtisadi əməkdaşlıq üzrə Belarus-Gürcüstan hökumətlərarası komissiyasının 5-ci iclasında qəbul edilib.

İclasda qeyd olunub ki, Belarus və Gürcüstan arasında yükdaşımalarda artım tendensiyası müşahidə edilir. 2018-ci ildə daşımaların həcmi 94 min ton təşkil edib ki, bu da 2017-ci ilin göstəricisi ilə müqayisədə 10,6 faiz çoxdur.

Tərəflər, həmçinin nəqliyyat və logistika sahəsində ikitərəfli əməkdaşlığın genişləndirilməsinin vacibliyini vurğulayıblar.