Problemli kreditlərin həlli üçün 1,4 milyard manat tələb olunur
"Müxtəlif rəsmi açıqlamalardan götürdüyüm qeydlərdən çıxardığım ilkin nəticə budur ki, problemli kreditlərin həlli üçün 1.4 mlrd. manata yaxın vəsait tələb edilir”.
Bu barədə iqtisadçı Rövşən Ağayev bildirib.
O qeyd edib ki, bu məbləğin təqribən 700 mln. manatı məzənnə dəyişkiliyi nəticəsində vətəndaşların əsas borc məbləği üzrə yaranmış əlavə vəsaitin kompensasiyasına yönəldiləcəyi gözlənilir:
"682 milyon manat isə fərman imzalanan günə ödəmə müddəti 360 günü ötmüş 10 000 dollar və ya 17 000 manata qədər olan borcların yenidən şərtləndirilməsi ilə bağlı olacaq”.
R.Ağayev bildirib ki, bu, Beynəlxalq Bank əməliyyatından sonra hökumətin bank sektoruna ikinci ən böyük yardım paketidir:
Bu isə həmin bankın qısa açıq valyuta mövqeyinə keçməsi riski yaradır. Bunu nəzərə alaraq Maliyyə Bazarlarına Nəzarət Palatası və Mərkəzi Bank 682 milyon manatın təxminən yarısını valyutada qiymətli kağız formasında onların passivinə daxil etməyi hədəfləyir ki, banklar bu riskdən sığortalansınlar”.(modern.az)