AFFA bölgədə futbol akademiyası açır
AFFA Tovuzda futbol akademiyası yaratmağa hazırlaşır.
Adalet.az-ın məlumatına görə, bu barədə qurumun baş katibi Elxan Məmmədov "CBC Sport” telekanalına müsahibəsində deyib. O, artıq bununla bağlı əməli fəaliyyətə başladıqlarını söyləyib: "Tovuzda uşaq futbolunun inkişafı ilə bağlı əlverişli şərait var. Buna görə də seçimimizi etdik. Artıq akademiyanın inşası üçün müvafiq əraziyə də baxmışıq”.
Qeyd edək ki, Tovuzun "Turan” klubu hazırda I divizionda mübarizə aparır.