Brüsseldə ümumavropa Qarabağ mitinqi keçiriləcək
Dünyanın 20-dən çox ölkəsində fəaliyyət göstərən diaspor təşkilatlarının təşəbbüsü ilə fevralın 23-də Belçika Krallığının paytaxtı Brüssel şəhərində "Lüksemburq Palas”ın qarşısında ümumavropa Qarabağ mitinqi keçiriləcək.
Diasporla İş üzrə Dövlət Komitəsindən Adalet.az-a verilən məlumata görə, aksiyaya Almaniya, Fransa, İtaliya, Polşa və digər Avropa ölkələrində yaşayan soydaşlarımızın, eləcə də Azərbaycana dost münasibət bəsləyən xalqların diaspor üzvlərinin qatılacağı gözlənilir.
Xocalı soyqırımının 27-ci ildönümü ərəfəsində keçirilməsi nəzərdə tutulan mitinqdə iştirakçılar "Qarabağa qayıtmaq istəyirik!”, "Xocalıya ədalət!”, "Azərbaycan sülh istəyir!”, "Günahsız körpələri öldürməyin!”, "Erməni yalanlarına dur de!”, "İşğalı dayandır!” və s. şüarlarla Avropa Parlamentinə və digər beynəlxalq təşkilatlara çağırış edəcəklər.
Onlar 27 il əvvəl Ermənistan tərəfindən törədilmiş Xocalı soyqırımına beynəlxalq miqyasda hüquqi-siyasi qiymət verilməsini, işğal olunmuş Azərbaycan torpaqlarının geri qaytarılması üçün Ermənistana təzyiq göstərilməsini, öz yurd-yuvalarından didərgin düşmüş azərbaycanlıların pozulmuş hüquqlarının bərpa edilməsini, münaqişə ilə bağlı qəbul olunmuş məlum beynəlxalq sənədlərin qərarlarına Ermənistan tərəfinin riayət etməsini tələb edəcəklər. Aksiyanın sonunda qəbul olunacaq qətnamə Avropa Parlamentinin məsul şəxslərinə təqdim olunacaq.
Mitinq ərzində yerli sakinlərə, turistlərə Ermənistan-Azərbaycan Dağlıq Qarabağ münaqişəsinin acı nəticələrini, Ermənistanın təcavüzkar siyasəti nəticəsində Azərbaycanın məruz qaldığı maddi və mənəvi itkiləri əks etdirən bröşürlər paylanılacaq. Aksiya yerli vaxtla saat 14.00-da başlayacaq.
Digər Xəbərlər
29 Mart 2024 17:05
Baş nazirin əvəzinə səhvən köməkçisini öpdü - VİDEO
29 Mart 2024 15:08Roma Papası məhbus qadınların ayaqlarını yudu - VİDEO
29 Mart 2024 11:21Terror aktında xəsarət alanların sayı 382 nəfərə çatdı
29 Mart 2024 11:17Ermənistandan Solovyovla bağlı QADAĞA
29 Mart 2024 11:12