Əbülfət Mədətoğludan yeni şeir: MƏNİM İNADIM
Sönüb yandığım kimi
yanıb andığım kimi
BİR! - inandığım kimi -
Tək Allaha inandım....
Qapı , kilid və açar
Dərd bağlayar və açar...
için - için və naçar -
anda da səni andım!
Ömür , həyat və sevgi
Bitməz xəyal , nə sevgi!
Umub hər gün də sevgi -
Səni öz qibləm sandım...
Qaranlıq , bir də işıq
Ruhum olub bir qaşıq...
Suya düşüb ... və yaşıq -
İslanmayıb inadım...