adalet.az header logo
  • Bakı 12°C
  • USD 1.7
12 Fevral 2019 15:24
3399
GÜNDƏM
A- A+

Yeniyetmələrlə bağlı “təhlükəsiz internet” mexanizmi yaradılacaq

Azərbaycanda 18 yaşınadək şəxslərə tütün məmulatları və spirtli içkilərin satışına, onların idman mərc oyunlarında birbaşa və ya dolayı iştirakına yol verilməyəcək.

Bu haqda "Gənclər siyasəti haqqında" qanuna dəyişiklikdə bildirilib.

Həmin dəyişikliklərdə təklif edilir ki, müvafiq icra hakimiyyəti orqanları 18 yaşınadək şəxslərin mənəvi-əxlaqi tərbiyəsini, onların fiziki və psixi sağlamlığına təhlükə yaradan zərərli informasiyalardan qorunmasını təmin etmək üçün "təhlükəsiz internet" mexanizminin yaradılmasını təmin edəcəklər.

Bununla yanaşı, onlar arasında zərərli vərdişlərə qarşı təbliğat aparılır və sağlam həyat tərzi ilə bağlı maarifləndirmə həyata keçirilir.

Dəyişikliklər deputatların müzakirəsindən sonra səsə qoyularaq birinci oxunuşda qəbul edilib.