Əbülfət Mədətoğludan yeni şeir: SÜKUT DA...
Sükut sakin olubdu -
içimdəki ağrıya ...
Sən də bir nəzər yetir -
ağrımdakı sarğıya ...
Mən əriyib söndükcə -
sən içində " ah " öldür...
Söndüyümü gördükcə -
ağrılarımı güldür...
Qoyma kirpikdə gilə,
dildə söz qısır qalsın...
Təbəssümünü çilə -
yaram da qüsul alsın...
Sükut bəlkə də sondu ,
bəlkə söhbətdi sözsüz ...
Düşünmə ki nə oldu -
qoyub külümü közsüz!..