Bakı 20°C
Əbülfət Mədətoğludan yeni şeir: GÜNÜMÜN GERÇƏK ÜZÜ
Tənhalıqdı , sükutdu
İçim , ruhum su uddu...
Bu da bir cür sübutdu -
dəliliyə...
Ahdan çəpər çəkirəm
Çəpərə qəm əkirəm...
Mən o , gündən vəkiləm -
dəliliyə...
Gecəm - yaxası sökük
Günüm - dizləri bükük...
Ürəklə birgə çökdük -
dəliliyə...
Daşdan - daş ayrılan tək
Gözdən yaş ayrılan tək ...
Döndüm yaşanılan , tək -
dəliliyə!
Göynəyən tərəfim sol...
Qalıbdı , arxayın ol
Qaşla - göz arası yol -
DƏLİLİYƏ!
jpg-1713734596.jpg)
