adalet.az header logo
  • Bakı 8°C
  • USD 1.7
29 Yanvar 2019 15:14
10058
SİYASƏT
A- A+

Nazir müavini: “30-dan artıq müəssisədə vergi postları qurulub”

"2017-ci ilə nisbətən 2018-ci ildə səyyar vergi yoxlamalarının sayı 3 dəfə azaldılıb. Ötən il ümumilikdə 1500-dən artıq vergi yoxlaması aparılıb".

Bunu vergilər nazirinin müavini Sahib Ələkbərov sahibkarların vergi yoxlamaları zamanı baş verən özbaşınalıqlarla bağlı suallara cavab olaraq bildirib.

S.Ələkbərov qeyd edib ki, spirtli içkilər sahəsinə diqqət artıb, bunun da səbəbi vergidən yayınma hallarının çox olması ilə bağlıdır. Nazir müavini qeyd edib ki, aksizli mallarla bağlı çoxlu narazılıq və narahatlıq var idi:

"Ötən ilin avqust ayından başlayaraq 30-dan artıq müəssisədə postlar qurulub və bu günə qədər onların işi davam edir. Bu sahədə nizam- intizam yaradılmayana qədər proseslər davam edəcək. Sahibkarlar şərab adı ilə araq istehsal edir və şərabın aksizini verir. Bu adla vergidən böyük yayınmalar var idi. Bu sahədə yoxlamaların keçirildiyi 6 ay müddətində vergidən yayınma ilə bağlı 3.5 - 4 dəfə artım müşahidə edilir. Ödəyicilər var ki, elektron qaimə faktura verməməyə çalşırlar və vergidən yayınırlar".

Nazirlik rəsmisi problem kökündən həll olunanadək prosesin davam edəcəyini vurğulayıb.(modern.az)