Əbülfət Mədətoğludan yeni şeir: SEÇ
Adsız dərdlər içindən
sən mənə adlı dərd seç...
Bütün dərdlərdən şirin -
Bal kimi, dadlı dərd seç...
Çeyim can köynəyi tək
Çəkim can göynəyi tək...
Ömrümün örnəyi tək -
Yaddaşlı , yadlı dərd seç...
Hər beş günümdən üçün
Əridim için - için...
Yavanlıq etmək üçün -
Bir darı cadlı dərd seç...
Ürək - nə verdin yeyib
Ruhum - nə biçdin geyib...
Mən tək qalmayım , - deyib -
Doğmalı , yadlı dərd seç!..