Şəkidə avtomobili divara vuran sürücü xəstəxanada ölüb
Şəki şəhərinin ərazisində yol-nəqliyyat hadisəsi baş verib.
DİN-dən Adalet.az-a verilən məlumata görə, yanvarın 21-də saat 7 radələrində Şəki şəhərinin ərazisində şəhər sakini Tərlan İsgəndərov idarə etdiyi "VAZ-21061” markalı avtomobili yolun kənarındakı divara vurub.
Nəticədə T.İsgəndərov və sərnişini xəstəxanaya yerləşdirilib, sürücü orada ölüb.
Baş İstintaq və Təhqiqat İdarəsi tərəfindən araşdırma aparılır.