Əbülfət Mədətoğludan yeni şeir: OLURAM
Məni yuxularda ara
Gerçəkdə əzab oluram...
"Sevgi !" - dilimdəki yara -
Deməsəm əsəb oluram...
İçimdə bir iç boğulur
Dərdlərim də bic doğulur...
Deyəsən Yasin oxunur -
Deyəsən qəssab oluram...
Ağır düşüb daşım yerə
Artıq dəyir başım yerə...
Nə çox gəldi yaşım yerə -
Yerə də, əzab oluram?!
Düyün düşüb səmtim , yönüm
Məcnunam . tay kimə dönüm ?!
Üfür , bir az da tez sönüm -
Qaldıqca, qəzəb oluram...