Əbülfət MƏDƏTOĞLU: HƏR GÜN ETDİYİM DUA
Hər günə dua düşür -
Var olduğumuz üçün...
Biz biri - birimizə -
Yar !- olduğumuz üçün...
Ömür adlı çevrəyə
Ürək hər gün SEV !- deyə...
Bir əbədi sevgiyə -
Bar olduğumuz üçün...
Məkanı türbələnə
Öpəsən , qürrələnə...
Göy dələn zirvələrə -
Qar olduğumuz üçün...
Mən Haqqa sadiq bəndə
Mələklik gördüm səndə!
Etmirik sən də , mən də -
Ar! - olduğumuz üçün...
Ruhumu dindir , tərpət
Xoşbəxtik , xoşbəxt əlbət!
Bir -birimizə sərvət -
var olduğumuz üçün!..