Alimlər ürək çatışmazlığı diaqnozu qoyulmuş yaşlı insanlarda ölüm riskinin azalması ilə mütəmadi, lakin az miqdarda spirtli içki qəbulu arasında əlaqə aşkarlayıb.

Azedu.az-ın məlumatına görə, bu barədə Vaşinqtonun Tibb Universitetinin mütəxəssislərinin araşdırmasında deyilir.

Müşahidə xarakterli araşdırmada ürək-damar sisteminin pozuntuları olan 393 pasiyent iştirak edib.

Məlum olub ki, həftədə yeddi dəfə və ya daha az standart porsiyalarda spirtli içkinin qəbulu, içməyənlərlə müqayisədə xəstələrin ömrünü 393 gün uzadıb. Diaqnozun qoyulduğu vaxtdan bəri orta sağ qalma müddəti 7,5 il təşkil edib.