"Özüm istəmərəm ki, elə səhnələr olsun”.

Bu sözləri ARB telekanalında yayımlanan "Könül yarası” serialının rejissoru Qulu Əsgərov seriallarda olan açıq-saçıq səhnələr haqda Adalet.az-a danışarkən deyib:

"Mən deyə bilmərəm ki, mənim çəkdiyim serialda elə şey ola bilməz. Ssenari nə tələb edirsə o, da olur. Amma şəxsən özüm də istəmərəm ki, milli mentalitetimizə yad olan səhnələr olsun. Amma ssenari bunu tələb edirsə, biz də çəkirik. Bəzən olur ki, aktyor və ya aktrisa etiraz edir həmin səhnəyə çəkilməyə o, zaman biz də ya səhnəni ya da həmin aktyoru dəyişirik. Amma şükür ki, hələ biz də elə problemlər yaşanmayıb”.

Qeyd edək ki, "Könül yarası” serialı həftəiçi hər gün 19:00-da ARB telekanalında yayımlanır.