Mahir Naziroğlu
Qəzəllər
Tərk eylədisə cananı, cananı xəbərsiz,
Çıxdı demək əldən dini-imanı xəbərsiz.
Etdi ən uca varlığa sevdalı sonunda,
Yusif Nəbinin eşqi Züleyxanı xəbərsiz.
Allah sənə göndərmədə ruzi, simic olma,
Ehsan elə dəstindəki ehsanı xəbərsiz.
Göstərdi elm mənzilini arifə, Allah,
Nadan tapa bilməz həmən ünvanı xəbərsiz.
Heç kəs əcəlin vaxtını bilməz, əcəl hətta
Gəldi apara Şahi-Süleymanı xəbərsiz.
Kafərlərin o hiyləli fikrindən, İlahi
Agah elə sən qoyma müsəlmanı xəbərsiz.
Nazir, o vilayətdən uzaq dur ki, o yurdun
Gər eşqi-Xudadan ola insanı, xəbərsiz.
***
Tale yatırıb bəxtimi möhkəmcə, oyanmaz,
Bəxtsiz cavanam söyləyərəm kimsə inanmaz.
Bir şəmi ki, həqq söndürə yandırmağa məncə
Yüz min gələ ləşkər, yenə yanmaz, yenə yanmaz.
Gül arzuladım, əllrimə batdı tikanlar,
Mən çəkdiyimi kim çəkə, göz yaşı dayanmaz.
Eşqə düşən aşıq odu saf niyyətə ağlar,
Eşq ilə axan göz yaşı heç vədə bulanmaz.
Cahil nə bilir dürri-cəvahir nədi, Nazirə
Gəl yüz dəfə söylə ona, qanmaz ki, o qanmaz.
Digər Xəbərlər
25 Aprel 2024 13:22
Əsrin poeziyası, yaxud həyatın poetik fəlsəfəsi
24 Aprel 2024 10:45İlber Ortaylının halı pisləşdi, təyyarə gecikdi
22 Aprel 2024 19:09Komitə sədri Baş redaktoru təbrik edib
22 Aprel 2024 19:01Dünya Qarabağlı: Qəlbi kövrək müəllim
22 Aprel 2024 17:41