adalet.az header logo
  • Bakı 7°C
13 Dekabr 2018 11:01
13382
DÜNYA
A- A+

Türkiyə özünün kosmik agentliyini yaratdı

Prezident Rəcəb Tayyib Ərdoğanın sərəncamı ilə Türkiyədə Kosmik Agentlik yaradılıb.

Adalet.az "Anadolu” agentliyinə istinadən xəbər verir ki, sərəncamın mətni "Resmi Gazete”də dərc olunub.

Türkiyənin Kosmik Agentliyinin ayrı büdcəsi olacaq və həm inzibati, həm də maliyyə məsələlərində müstəqil hərəkət edəcək.

Agentlik Türkiyənin milli kosmik proqramının hazırlanması və həyata keçirilməsinə, eləcə də, millətin rifah halının yüksəlməsinə öz töhfə verən Türkiyə aerokosmik sənayesinin inkişafına görə məsuliyyət daşıyır.

Agentlik Türkiyənin Sənaye və Texnologiyalar Nazirliyi ilə əlaqəli olacaq, aerokosmik texnologiyalar sahəsində ölkənin prioritetləri, məqsəd və strategiyasının formalaşmasına öz töhfəsini verəcək.

Yeni qurumdövlət adından danışıqlar aparacaq və razılaşmalar imzalayacaq.