Əbülfət Mədətoğludan yeni şeir: OLUR
Dilim susur - ürəyə
nəmli gözlər dil olur...
Kirpiklər pıçıldaşır -
gözün dibi lil olur...
Başladıqca gün " ah" la
boğulur hər gün "ah" da!
Nöqtə boyda günah da -
üfürülüb fil olur...
Mənim canım ovcunda
can verir , can , ovcun da!
mən ovun - mən ovçun da -
için - için kül olur...
Sönür şamım - qaralır...
dərd sıxır - can daralır...
Yar veriir , həm yar alır -
Allah, günüm il olur...