adalet.az header logo
  • Bakı 9°C
  • USD 1.7
27 Noyabr 2018 13:00
5238
MƏMLƏKƏT
A- A+

“Gələn il məhsuldarlıq daha da artacaq”- İnam Kərimov

"Bu günə qədər 215 min tondan çox pambıq tədarük edilib. Keçən illə müqayisədə məhsuldarlıq daha çoxdur"

Bunu kənd təsərrüfatı naziri İnam Kərimov jurnalistlərə açıqlamasında deyib. Nazir hesab edir ki, gələn il məhsuldarlıq daha da artacaq.

"Bu il orta məhsuldarlıq 16 sentnerdən çoxdur. Hesab edirik ki, gələn il daha yüksək məhsuldarlıq əldə edəcəyik. Optimal torpaq sahələrinin seçilməsi ilə bu il 132 min hektar torpaq sahəsi əkilibsə, gələn il 100 min hektar pambıq sahəsinin əkilməsini planlaşdırırıq. Daha yüksəl məhsuldarlıq əldə etmək niyyətindəyik".

İ.Kərimov qeyd edib ki, qabaqcıl təcrübə əldə etmiş ölkələrin mütəxəssisləri ilə yeni model təsərrüfatların yaradılması planlaşdırılıb.

"Digər sahələrdə məqsədimiz intensiv məhsuldarlığa nail olmaqdır. Torpaqlardan optimal istifadə etmək, ixtisaslaşmanı təmin etmək, daha az sahə istifadə etməklə daha çox məhsuldarlıq əldə etmək niyyətindəyik. Burada ən vacib şərtlərdən biri kooperativləşməni inkişaf etdirməkdir. Sabirabad rayonunda artıq belə kooperativ təsis edilib. Bunu digər rayonlarda da genişləndirməliyik. Çünki kiçik torpaq sahələrində yüksək məhsuldarlıq əldə etmək mümkün deyil".

İxtisaslaşma üzərində ekspertlərin işlədiyini deyən nazir vurğulayıb ki, hər bir regionun iqliminə, torpağın şəraitinə uyğun məhsuldarlığın planlaşdırılması nəzərdə tutulur.

Nazir, həmçinin aqrar sektorda könüllülər məsələsinə də toxunub. Qeyd edib ki, 3 il ərzində 10 minə yaxın könüllüdən ibarət proqramın icrasına başlanılacaq. "Artıq hər bir DAİM mərkəzində könüllülər fəaliyyətə başlayıblar. Onların məqsədi yerlərdə fermerlərə dəstək olmaqdır".(azvision.az)