adalet.az header logo
  • Bakı 12°C
  • USD 1.7
26 Noyabr 2018 17:50
7957
SİYASƏT
A- A+

Ukraynadakı Azərbaycan diasporunun sədri: “Ali Radanın qərarını gözləyirik”

Ötən həftədən başlayaraq Ukraynada vəziyyət gərginləşib. Belə ki, Rusiya gəmiləri Kerç körfəzindən çıxan Ukrayna Hərbi-Dəniz Qüvvələrinə aid gəmi qrupuna atəş açıb.Bu barədə Ukrayna Silahlı Qüvvələri məlumat yayıb. Məlumata görə, atəş nəticəsində "Berdyansk” kiçik zirehli artilleriya kateri zədələnib. Kater hərəkətdən qalıb, yaralı var. Hətta Rusiyanın Ukraynadakı səfirliyi önündəfəalların aktivliyi müşahidə olunur.


Qeyd edək ki, bundan öncə Rusiya məlumat yayaraq, Ukrayna Hərbi Dəniz Qüvvələrinə məxsus 3 gəminin Rusiya sərhədlərini pozaraq, Kerç boğazı istiqamətində irəlilədiyini bildirmişdi.


Ukrayna Azərbaycanlıları Birləşmiş Diasporunun (UABD) sədri Hikmət Cavadov məlum hadisə ilə bağlıModern.az-a açıqlama verib. Təşkilat sədri vurğulayıb ki, Ukrayna Ali Radası məsələni diqqətdə saxlayır.


"Ukraynadakı son hadisə məlumdur. Hazırda Ukrayna Ali Radasında ölkədə müharibə vəziyyətinin elan olunması məsələsinə baxılır. Ola bilsin ki, müharibə mərkəzi şəhərlərdə yox, sərhəd bölgələrdə aparılsın. Ona görə də bununla bağlı Ali Radanın qərarını gözləyirik. Ola bilsin Rusiyanın sərhəd vilayətlərində, Qara dəniz sahillərində, Odessada müharibə vəziyyəti elan olunsun. Düşünmürəm ki, bütün ölkəni müharibə vəziyyəti elan etsinlər. Çünki müharibə ölkənin iqtisadiyyatına mənfi təsir göstərir. Hər halda Ukraynanın ərazi bütövlüyünə təhlükə var və beynəlxalq konvensiyalar pozulub”.


Hikmət Cavadov azərbaycanlıların məsələyə ədalətli yanaşdığını söyləyib.

"Ukraynada yaşadığımıza görə yox, ölkənin hüquqları pozulduğu üçün ukraynalıların yanındayıq. Gözümüzün qarşısında beynəlxalq konvensiyalar pozulur. Düşünürəm ki, Ukraynanın mövqeyi haqq mövqeyidir”