adalet.az header logo
  • Bakı 13°C
  • USD 1.7
16 Noyabr 2018 17:42
7465
MƏMLƏKƏT
A- A+

Azərbaycanın turist bölgələrinə gedən avtomobil yollarının bərpasına başlanılıb

Azərbaycanın turist bölgələrinə gedən avtomobil yollarının bərpasına başlanılıb.

Trend-in məlumatına görə, bunu jurnalistlərə açıqlamasında Azərbaycan Avtomobil Yolları Dövlət Agentliyinin İdarə heyətinin sədri Saleh Məmmədov deyib.

S.Məmmədovun sözlərinə görə, hazırda Bakı-Şamaxı yolu 2-ci texniki dərəcəli yoldan birinci texniki dərəcəli yola uyğun yenidən qurulub:

"Prezident İlham Əliyevin turist zonalarının yol infrastrukturunun yaxşılaşdırılması ilə bağlı verdiyi göstərişə əsasən həmin ərazilərdə yolların yenidən qurulmasına başlanılıb. Gələn ildən Ağsu aşırımından yeni yolun çəkilişinə başlanılacaq. Artıq Ağsudan Yevlaxa qədər olan yolun yenidən qurulması başa çatıb və istifadəyə verilib. Xaldandan Şəkiyə qədər olan 55 kilometrlik yolda təmir davam edir. Bu yolda təmir gələn il başa çatdırılacaq. Zaqatala- Balakən, Zaqatala-Qax-Şəki yolları artıq tam istifadəyə verilib".