Gürcüstanda keçirilən prezident seçkilərində qanun pozuntusuna yol verən 15 nəfər məsuliyyətə cəlb edilib.

Adalet.az "Sputnik Gürcüstan”a istinadən xəbər verir ki, bununla bağlı Gürcüstan daxili işlər nazirinin müavini Natiya Mezvrişvili məlumat verib.

Onun sözlərinə görə, səsvermə zamanı baş verən insidentlərlə bağlı araşdırmalar aparılır. Mezvrişvili əlavə edib ki, saxlanılan şəxslər arasında müxaliflərlə yanaşı, hakim "Gürcü arzuları” partiyasının üzvləri də var.

Xatırladaq ki, seçkilərin birinci turunun nəticələrinə əsasən, namizədlər 50 faizlik səddi keçə bilməyiblər. İkinci turda mübarizə Salome Zurabişvili və Qriqol Vaşadze arasında baş tutacaq.