gedirsən, gedirsən,

gözlərini, əllərini, saçlarını da aparırsan,

oysa gözlərindən başlamışdı yol xəritəmiz,

əllərində bitmişdi rəngli günlərimiz,

uzun saçlarınla hörülmüşdü ömrümüz...

gedirsən, gedirsən,

bir kəlimə demədən gedirsən,

bir ayaq saxla deyirəm,

bəlkə illərdən yapışaq,

bəlkə günəşi saxlayaq,

bir dayan,

qollarımı sarmaşıq kimi dolayım bədəninə...

gedirsən, getmirsən,

bir qərar verə bilmirsən

yorğun abidə sökülür gözlərində

indi tək bu sözdən ibarətsən: "getmə"