ANA SƏHİFƏ / SAĞLAMLIQ

Londonda Azərbaycan Milli Onkologiya Mərkəzinin xərçəng xəstəliyi ilə mübarizə üsulları müzakirə edilib

1459    |   2018-10-12 12:05
Şriftin ölçüsü:
A+ Böyütmək
A+ Balacalaşdır

Oktyabrın 10-da Milli Onkologiya Mərkəzinin baş direktoru, akademik Cəmil Əliyev Britaniya Baş nazirinin Azərbaycan, İraq və Türkmənistan üzrə Ticarət elçisi Baronessa Nikolson Vinterbornun vasitəçiliyi və iştirakı ilə Britaniyanın Oksford Universitetinin professoru, xərçəng araşdırmaları üzrə məşhur britaniyalı alim Deyvid Kerr ilə görüşüb.

Görüş zamanı Baronessa Nikolson Prezident İlham Əliyevin və Azərbaycan Respublikasının Birinci vitse-prezidenti Mehriban Əliyevanın ölkədə tibbin inkişafına ayırdıqları xüsusi diqqət və qayğını alqışlayaraq, onlara dərin ehtiramını və səmimi salamlarını çatdırıb.

Deyvid Kerrin sorğusu əsasında akademik Cəmil Əliyev Azərbaycanda xərçəng xəstəliyinin profilaktikası və tətbiq olunan müalicə üsulları, xərçənglə mübarizədə Milli Onkologiya Mərkəzində görülən tədbirlər, o cümlədən mərkəzin xərçəng xəstəliyindən əziyyət çəkən şəxslərin ömrünün uzadılmasında və sağalma həddinin artırılmasındakı rolu, istifadə edilən avadanlıqlar və təcrübələr (radiologiya, MRI, kimya-terapiya, cərrahiyyə və sairə) barədə ətraflı məlumat verilib. Bu xüsusda, həmçinin Azərbaycanda xərçəng xəstəliklərinin müvafiq növlərinin azalma və artma tendensiyaları barəsində də fikir mübadiləsi aparılıb.

Öz növbəsində D.Kerr, Milli Onkologiya Mərkəzində çoxsaylı müalicə otaqlarının olmasının, hər bir tibbi avadanlıqla təchiz olunan səyyar müalicə maşınlarının bölgələrdə xərçəngdən əziyyət çəkən əhalinin müayinə və müalicəsi üçün göndərilməsi təcrübəsinin, eləcə də mərkəzdə test və müayinədən keçən şəxslərin 70 faizinin xərçəngdən əziyyət çəkən deyil, sadəcə, yüksək diaqnostikadan istifadə edən sadə xəstələr olması faktının təqdirəlayiq olduğunu nəzərə çatdırıb.

Görüşdə Azərbaycanda xərçəng xəstəliyi üzrə mütəxəssis və həkimlərin hazırlığı, təlimi məsələsi də müzakirə edilib. D.Kerr bu məsələyə xüsusi maraq göstərərək gələcəkdə bu sahədə Oksford Universitetinin müvafiq tibbi strukturları çərçivəsində əməkdaşlıq perspektivlərinin mövcud olduğunu qeyd edib. Akademik C.Əliyev ikitərəfli əməkdaşlıq imkanlarının yerində müzakirə edilməsi və Milli Onkologiya Mərkəzini ziyarət etməsi üçün D.Kerrini Azərbaycana səfərə dəvət edib. Dəvət D.Kerr tərəfindən məmnuniyyətlə qəbul olunub.

Görüşün sonunda Oksford Universiteti və Milli Onkologiya Mərkəzi arasında tibbi əməkdaşlıq üzrə anlaşma Memorandumunun imzalanması barədə razılıq əldə edilib.

Yaxın Şərqdə xeyriyyəçiliklə məşğul olan AMAR Beynəlxalq Xeyriyyə Fondunun Londondakı iqamətgahı və Britaniyanın Lordlar Palatasında keçirilən görüşdə AMAR-ın Aparat rəhbəri Endryu Metfen və Azərbaycanın Böyük Britaniyadakı səfiri Tahir Tağızadə də iştirak edib. Akademik Cəmil Əliyev və AMAR-ın rəhbərliyi arasında bu qurumun İraqda həyata keçirdiyi proqramlar və Azərbaycanın həmin proqramlara mümkün töhfəsi barədə fikir mübadiləsi aparılıb.

Akademik Cəmil Əliyev Baronessa Nikolsona sonuncunun Bakıya səfərləri zamanı görüşdüyü azərbaycanlı həkim və tibbi personalın dərin rəğbət və ehtiramını çatdırıb.




İmza:AzerTac

Azərbaycanda həkimlər körpənin ürəyini dayandıraraq əməliyyat etdilər

Xəstələnmə riski yüksək olan uşaqlarla bağlı yeni sənədlər hazırlanacaq

Qocalmaq istəməyənlər üçün 5 sadə içki

Xərçəngin 2 əsas səbəbi...

Gün ərzində nə qədər çörək yemək olar?

Yuxularınız sizin haqqınızda bunları deyir

Nazirlik mədəkiçiltmə əməliyyatından sonra ölən şəxslə bağlı araşdırma aparır

Bakıda həyati təhlükə törədən heyvan ətlərinin satışına görə 6 nəfər həbs edilib

Londonda Azərbaycan Milli Onkologiya Mərkəzinin xərçəng xəstəliyi ilə mübarizə üsulları müzakirə edilib

Qulaqcıq sağlamlıq üçün TƏHLÜKƏDİR

Beyin hüceyrələrini məhv edən səbəblər...

Azərbaycanda qeysəriyyə əməliyyatı etdirən qadınların sayı pik həddə çatdı

SON XƏBƏRLƏR
2018-10-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK