ANA SƏHİFƏ / YAZARLAR

Əczaçılıqdan filmə

4548    |   2018-10-13 19:50
Şriftin ölçüsü:
A+ Böyütmək
A+ Balacalaşdır

Sinan Çetin 1953-cü ildə Vanda doğulub. Gömrük mühafizə məmuru Mehdi bəy və Şevket xanımın səkkiz övladından biri idi. Atasının işinə görə ailəsi Ankaraya köçür və təhsilinə burada başlayır. Samanpazarındakı Sakalar məktəbindən sonra Gazi liseyini bitirən Çetin əvvəlcə bir müddət Hacettepe Universitetində əczaçılıq üzrə, sonra sənət tarixi üzrə təhsil alır.

Birinci həyat yoldaşı Hale Sözmendən Rüzgar adlı bir oğlu olan Çetin filmlərində kinomatoqraf olaraq işləyən Rebekka Haas ilə 1990-cu ildə evləndi. Cütlüyün Cemo, Orfeo və Tess Sahara adlı üç övladı var.

Universitet illərində rəsm, qrafika və fotoqrafla maraqlanan Şetin siyasi qrupların və nəşriyyatların emblemlərini hazırladığı, braşuralarını düzəltdiyi Gənc Fotoqrafik şirkətini qurdu (GFG). Ora o dövrdə naşirlərin və intellektualların sıx-sıx gəlib-getdiyi yer idi.

1976-cı ildə Çağdaş Səhnədə verilişlər hazırlayarkən fotoqrafla maraqlananlarla təmasa keçir və Ankara Fotoqraf Sənətçiləri dərnəyini yaradır. Aziz Nesin, Çetin Altan, Uğur Mumcu kimi adamlar burada gənclərlə görüşürdü.

Çetin gənclik illərindən etibarən film sahəsinə maraq göstərməyə başlayır. Pul yığıb 8 mm-lik bir Canon aparatı alıbbu marağını professional bir işə çevirməyə imkan tapır. Əvvəlcə 11 dəqiqəlik qısa bir film olan "Basqın”ı çəkir. Bu filmdə evi basqına uğrayan bir qrup inqilabçıdan bəhs olunur.

1975-də Zeki Öktenin çəkdiyi "Hanzo” filmində asistanlıq edən Çetin artıq film sektoruna addımını atmışdı. Gənc rejissor 1977-də baş rolda Ahmet Mekinin oynadığı "Halının türküsü” adlı filmə rejissorluq edir. Bu film 65 dəqiqəlik bir film idi. Ancaq Moskva film festivalına çıxmağı üçün 34 dəqiqəyə qədər aşağı salındı. Bugün tək sürətinin Moskvada olduğu zənn edilən film eyni festivalda Çetine ən uğurlu gənc rejissor mekafatını qazandırdı.

Çiçek Abbas

Çetinin ən çox önə çıxan "Çiçek Abbas” filmi eyni qadına aşiq olan avtobus sürücüsü, fırıldaqçı Şakir ilə saf və xoşniyyətli müavini Abbas arasındakı mübarizədən bəhs edirdi. Yavuz Turqulun ssenarisini yazdığı filmdə Abbas sevdiyi qadınla evlənə bilmək üçün balaca, köhnə bir avtobus alıb Şakirə rəqib olurdu. Amma Şakirin hiylələri cütlüyün önündə böyük bir əngəl idi. 1980-ci ildə çəkilən film o dövrdə qəzetlərdə çıxan bir avtobus sürücüsünün sevdiyi qızı qaçırtması xəbərindən ilham almışdı.

Çirkinlər də sevər

Anadoluda bir kənddə yaşayan kasıb və saf dəliqanlı Mazlumun hekayəsinə köklənən bu film "film içində film” üslubunda idi. Mazlumun həyatı kəndlərinə gələn film ulduzuna aşiq olunca dəyişir. Mazlum xəyallarının qadını olan Müjde Arın arxasınca gedir. Çetin müsahibələrinin birində filmin əsas adının "Odama düşən yıldız” (Otağıma düşən ulduz) olduğunu və filmin adının prodüssürlərin istəyi ilə dəyişdiyini demişdi.

Film karyerası boyunca bir çox filmin rejissoru olan Çetin eyni zamanda Taylan Biraderler, Gülse Birsel, Tolqa Çevik kimi məşhurlaşan insanlara dəstək verib. "Okul”, "Pardon”, "Avrupa yakası”, "Komedi dükkanı” kimi film və TV-də önə çıxan əsərlərə prodüsserlik edib.




İmza:Eminquey

YAZARIN ARXİVİ

2018-10-20 : İLLÜZİYA
2018-10-19 : İLLÜZİYA
2018-10-19 : -Bizə yazırlar-
2018-10-19 : İCTİMAİ FƏAL
2018-10-19 : Tural TURAN
2018-10-19 : KONSULLUQDA QƏTL
2018-10-18 : KONSULLUQDA QƏTL
2018-10-17 : İLLÜZİYA
2018-10-17 : Yəhya Paşazadə
2018-10-17 : İLLÜZİYA
2018-10-17 : İCTİMAİ FƏAL
2018-10-16 : KONSULLUQDA QƏTL
2018-10-16 : MERKEL UDUZUR
2018-10-16 : İLLÜZİYA
2018-10-16 : Maşallah Məftun
2018-10-16 : Düşüncələrim
2018-10-16 : İmtahan
2018-10-12 : KONSULLUQDA QƏTL
2018-10-12 : SÖZÜN SEHRİ
2018-10-11 : Adsız yazı
2018-10-09 : QARTALI SEVMƏK
SON XƏBƏRLƏR
2018-10-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK