adalet.az header logo
  • Bakı 8°C
  • USD 1.7
11 Oktyabr 2018 15:14
13171
SAĞLAMLIQ
A- A+

Qulaqcıq sağlamlıq üçün TƏHLÜKƏDİR

Ürək-damar xəstəliklərinə də səbəb olur.

Adalet.az "Sputnik"ə istinadən məlumat verir ki,Ümumdünya Səhiyyə Təşkilatı (ÜST) qulaqcıqların sağlamlıq üçün təhlükəli olduğunu elan edib.

ÜST-nin məlumatına görə, qulaqcıqlar yüksək səsli musiqilərə qulaq asan insanlar sağlamlığını məhv edir.

İnsanlar özləri hiss etməsə də, müasir şəhərlərdə gündəlik səs-küy əhalinin sağlamlığına mənfi təsir göstərir.

Böyük şəhərlərdə səs çirkliliyinin əsas səbəbi avtomobil yolları, dəmir yolları və yel dəyirmanlarıdır. Bir müddət əvvəl ekspertlər belə qərara gəlib ki, bu siyahıya gecə klublarını və konsert meydanlarını misal göstərmək olar.

Yüksək səslər təkcə gərginlik yaratmır. Onlar ciddi xəstəliklərə, məsələn, ürək-damar xəstəliklərinə də səbəb olur.

Risk qrupuna qulaqcıq sevənlər də daxil olub. ÜST-nin məlumatına görə, 70 desibel səs təhlükəsiz hesab edilir. Ancaq bəzi insanlar sevimli mahnılarına qulaq asan zaman bu göstəricini keçirlər.

Avropa standartlarına uyğun icazə verilən qulaqlıq gücü 100 dB-ə çatır və istifadəçilər musiqi səsini tez-tez "maksimuma” qaldırırlar. Bu da sağlamlıq üçün təhlükəli hesab edilir.

ÜST ekspertləri vətəndaşları sağlamlıqlarına qarşı diqqətli olmağa çağırır.