Adil Cəmil: “Oğlumun xəstəliyi başımı elə qatıb ki, ad günüm yadıma da düşmür”
Şair, tərcüməçi və ədəbiyyat tədqiqatçısı, Azərbaycan Yazıçılar Birliyinin və Azərbaycan Jurnalistlər Birliyinin üzvü , "Qızıl qələm" mükafatı laureatı, əməkdar jurnalist Adil Cəmilin doğum günüdür. Adil Cəmil 1954-cü il oktyabrın 8-də Azərbaycanın Kəlbəcər rayonunun Kilsəli kəndində anadan olub.
Modern.azdoğum günü münasibəti ilə şairlə əlaqə saxlayıb. A.Cəmil deyib ki, hazırda oğlunun səhhətindəki problemlər üzündən doğum günü əhval-ruhiyyəsində deyil:
"Bununla bağlı ictimaiyyətə müraciət etmişəm, donor axtarırıq ki, onun qaraciəyəri dəyişdirilsin. Başım oğluma qarışıb deyə heç dünyaya nə vaxt gəldiyimi, niiyə gəldiyimi dərk eləmək səviyyəsində, anlamında deyiləm. Hər halda həyat gözəldir, yaşamağa dəyər. Əsas odur ki, dünyaya gəlməyimə peşman deyiləm. Allah mənim atama, anama rəhmət eləsin. Valideynin insan həyatında Allahdan aşağıda yeri var. Nə qədər ki, valideyn sağdır, sənə həyat verən insana hörmət elə. Çünki həyat vermək göydə Allahın, yerdə valideynin işidir”.
Adil Cəmil deyib ki, o, bütün ömrünü Kəlbəcərlə yaşayır.
"Kəlbəcər işğal olunsa da, mənən, ruhən bizimlədir, biz də Kəlbəcərlə. Harada yaşamağımdan asılı olmayaq, hər zaman Kəlbəcəri ürəyimdə daşıyıram. Mənim dünyamda Kəlbəcər müqayisə olunmayan, analoqu olmayan gözəl bir yerdir. Arzumuz budur ki, tezliklə o torpaqlara qayıda bilək. İnsan təkcə gözəl torpaqda doğulduğuna görə yox, ümumiyyətlə doğulduğu yerdə özünü daha rahat hiss edə bilir. Mənim ömrümün bütün fəsilləri, bütün ayları, illəri Kəlbəcərlə bağldır”.
Şairinin sözlərinə görə, əvvəllər doğum günlərini məxsusi olaraq qeyd etmək ənənəsi olmayıb: