Bakı 22°C
Əbülfət MƏDƏTOĞLU: ÜRƏYİMƏ OXUNAN İTTİHAM
Sıx özünü ürəyim,
Gününü "ah" etmə sən...
Sevdin, günah elədin ! -
Bir də günah etmə sən...
Qalan ömrü başına
Yaşa , baxma yaşına!
Nahaqdan göz yaşına -
Yanağı yol etmisən!..
Heyrət içdən gəlirsə
Qəm sinəni dəlirsə...
Ortada eşq ölürsə -
Hayına gec yetmisən...
Göz önündə Sənan - dağ -
Olammadın Sənancaq!
Bu dünyada sən ancaq -
Yetimliyə yetmisən!..
