Azərbaycanda əhali arasında qriplə bağlı epidemioloji monitorinq gücləndiriləcək
Payız-qış mövsümünün başlanması ilə əlaqədar əhali arasında qrip və kəskin respirator virus infeksiyalarına qarşı profilaktik və əksepidemik tədbirlər, həmçinin infeksiya üzərində epidemioloji monitorinq güclənləndiriləcək.
Səhiyyə Nazirliyindən Adalet.az-a verilən məlumata görə, bu məsələ səhiyyə naziri Oqtay Şirəliyevin imzaladığı "2018-2019-cu ilin payız-qış mövsümündə respublikada qrip və kəskin respirator xəstəliklərə qarşı profilaktik tədbirlərin gücləndirilməsi barədə” əmrində öz əksini tapıb.
Əmrdə tibb müəssisələrinə tövsiyə edilib ki, əhali arasında qrip və kəskin respirator virus infeksiyalarının yayılmasının qarşısının alınması məqsədilə ümumtəhsil və məktəbəqədər uşaq müəssisələrində tibbi müşahidələrin aparılsın, qripə yoluxması ehtimal olunan xəstələrin, xüsusən uşaqların və yaşlı əhalinin hospitalizasiyası üçün xüsusi palataların ayrılsın, zəruri hallarda tibb müəssisələrində məhdudlaşdırıcı rejimin tətbiq edilməsi, tibb personalının fərdi qoruyucu vasitələrdən (maskalardan) istifadə edilsin.
Əmrdə profilaktik dezinfeksiya işlərinin gücləndirilməsi, ağır kəskin respirator xəstəlik halları barədə məlumatın dərhal ərazi gigiyena və epidemiologiya mərkəzlərinə verilməsi və şübhəli xəstələrdən götürülən nümunələrin Respublika Taun Əleyhinə Stansiyasına çatıdırılması Səhiyyə Nazirliyinin tibb idarə və müəssisələrinin rəhbərlərinə həvalə olunub.
Əmrə görə, qrip və kəskin respirator virus xəstəliklərinin müalicəsi üçün dərman preparatlarının ehtiyatı yaradılacaq.
Digər Xəbərlər
29 Mart 2024 10:03
Kimyəvi saç düzləşdirmənin təhlükələri ortaya çıxıb
27 Mart 2024 13:15Lerikdə 3 ailənin 11 üzvü qidadan zəhərləndi
27 Mart 2024 11:19Bayram günlərində yüzlərlə şəxs xəstəxanaya yerləşdirilib - RƏSMİ
27 Mart 2024 09:55Xərçəngə tutulma riskini azaldan qida
26 Mart 2024 09:00