Bakı 21°C
Əbülfət MƏDƏTOĞLU: BİLMİRƏM
Kimə ümid bağladım
Kirpiyi nəm saxladım...
Kimi kimlə ağladım -
bilmirəm...
Kimin üstünə qaçdım
Kimə qolumu açdım...
Kimlərlə qucaqlaşdım -
bilmirəm...
Kimdən uzaq dayandım
Kimçün uzaqda yandım...
Kimi sazaqda andım -
bilmirəm...
Kimə sığınmalıydım
Kimə yıxılmalıydım...
Kimdən çıxılmalıydım -
bilmirəm...
Hara hörülməliydim
Kimlə görünməliydim...
O görünən mən idim ? _
bilmirəm...
Torpaq , səma , bir də su
Yanağımda girdə su -
Nəzir olar pirdə su ? _
bilmirəm...
