Əbülfət MƏDƏTOĞLU: NAMAZA DUR...
Sübhdən oyan , üzünü
Yuyub , silmə gözünü...
Qibləyə tut özünü -
namaza dur...
Duanı içdən keçir
Mərasim üçdən keçir...
Sən dilində bir əcir -
namaza dur...
Hiss etdirmə yükünü
Dərd ürəyə bükülü...
Qəm tərpətməz tükünü -
namaza dur...
Gizlət içdə cidanı
Bu əbədi vidanı...
Sıx kirpikdə nidanı -
namaza dur...
Yazmasam da şeirdə
Deyim uyğun yeri də...
Sən hamıdan geri də -
namaza dur...