Bakı 22°C
Əbülfət Mədətoğlu: SON BU QƏDƏR...
Gəmi qumda oturan tək -
Gözümün dibində oturub...
Nə vaxtdır ki , tənha və tək
Sözümün dibində oturub -
kədər...
Başım ovcumun içində ,
Dilim dişin arasında...
Ürək adlı bir gicin də -
Açır özü yarasın da -
kədər...
Özüm məstəm , yarı hissəm
Əsəbdən gülür halıma...
Yarı tozam , yarı hisəm
Çevirir məni zalıma -
kədər...
...Qopacam gəmi tək qumdan
Durulacaq onda sular...
Arata qoyulmuş şumdan
Toplanmış kədər yuyular -
son bu qədər...
