“Kimsəsiz Uşaqların Sosial Müdafiəsi” İctimai Birliyi seminar təşkil edəcək
Sentyabrın 21-i saat 15:00-da Mingəçevir Gənclər Evində, "Kimsəsiz Uşaqların Sosial Müdafiəsi” İctimai Birliyi seminar təşkil edəcək.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən "Uşaqların zərərli dini cərəyanlardan qorunması üçün regionlarda seminarların təşkili" adlı seminarda qloballaşma şəraitində milli-mənəvi dəyərlərimizin ciddi aşınmaya məruz qalması, ölkədə din azadlığı adı altında uşaqların məqsədli şəkildə ayrı-ayrı təriqətlərə cəlb edilməsindən danışılacaq. Seminara hər kəs dəvətlidir.