Bakı 21°C
Əbülfət Mədətoğludan yeni şeir: GÖZ YAŞLARIMI...
Bir cığır , bir ləpirəm
Səssiz, təklik çəkirəm...
Ürəyimə əkirəm -
Bir də göz yaşlarımı...
Sıxılıb , sıxma , əzmə
Dərdimin üstə gəzmə...
Göyərən görsən , kəsmə -
Yerdə , göz yaşlarımı...
Hay ki , çatmır - hay səssiz
Haysız səsi yay - səssiz...
Yanağımda say səssiz -
Girdə göz yaşlarımı...
Yanında ol , ya da yet
Qədəminə durub get!
Nəzir kimi qəbul et -
Pirdə göz yaşlarımı...
