Rusiya millisinin üzvü Denis Çerışevin dopinqdən istifadə etməsi haqda xəbərlər yayılıb.

Qol.az-ın xəbərinə görə, futbolçunun atası Dmitri Çerışev Rusiya mətbuatına açıqlamasında oğlunun DÇ-2018-dən əvvəl qadağan olunan preparatdan istifadə etdiyini etiraf edib.

Rusiya Antidopinq Agentliyi və Ümumdünya Antidopinq Agentliyi məsələ ilə bağlı araşdırmaya başlayıb.

Çerışevin dopinqdən istifadə etdiyi rəsmən təsdiqlənsə, ona ciddi cəza verilə bilər.

Qeyd edək ki, "Valensiya”nın futbolçusu DÇ-2018-də 5 oyuna 4 qol vurub.