"YouTube” video portalının işində qüsurlar müşahidə olunub.

Adalet.az-ın məlumatına görə, Rusiya, Fransa, Böyük Britaniya və digər ölkələrdə istifadəçilər bu saytı açmaqda çətinlik çəkib.

Qeyd olunur ki, istifadəçilərin 61 faizi saytı aça bilməməklə, 26 faizi videoları işə sala bilməməklə, 11 faizi isə hesaba daxil ola bilməməklə bağlı şikayət edib.

Qüsurların hansı səbəbdən baş verməsi məlum deyil. "YouTube”un məxsus olduğu "Google” şirkəti bununla bağlı hələlik açıqlama verməyib.