Rafael Cəbrayılov:“İslam dini elmi şəkildə öyrənilməlidir!”
Azərbaycanda həyata keçirilən dini sisayət zaman-zaman öz müsbət nəticələrin verməkdədir. Cənab Prezident İlham Əliyev tərəfindən 2017-ci ilin "İslam Həmrəyliyi İli”elan olunması eyni zamanda İllahiyyat İnstitutunun yaradılması haqqında sərəncam bunu deməyə əsas verir ki, Azərbaycan dini dəyərlərə, İslam dinin düzgün təbliğinə olduqca ciddi önəm verir.
Milli Məclisin
deputatı Rafael Cəbrayılov ölkədə İllahiyyat İnstitutunun yaradılması məsələsinə
öz münasibətini bildirib. Qeyd edib ki, təhsil müəssisələri yaratmaqla gənclərin təhsil alması, elm
öyrənməsi nəinki müsbət bir haldır, eyni zamanda Allahın bəyəndiyi və Qurani Kərimin
buyurduğu bir əməldir: "Saf niyyətlə təhsil almaq, elm öyrənmək cihaddır.
Allahın halal buyurduğu bütün əməllərin saf niyyətlə edilməsi və bu istiqamətdə
aparılan mübarizə cihad hesab olunur. Bu baxımdan ölkə prezidenti Cənab İlham Əliyev tərəfindən 9 fevral 2018-ci ildə Azərbaycan
İlahiyyat İnstitutunun yaradılması hamı tərəfindən dəstəklənən və bəyənilən
addım olmaqla yanaşı, eyni zamanda Allah dərgahında savab yazılan bir əməldir.
Fürsətdən istifadə edib cənab Prezidentə təşəkkür və minnətdarlığımı bildirmək
istəyirəm. Allah, ilahi təlimlər, dinlə bağlı ali təhsil müessisəsinin
yaradılması isə xüsusilə təqdirəlayiqdir. Monoteist dinlərin, o cümlədən
İslamın və Qurani-Kərimin elmi şəkildə öyrənilməsini təmin edən müasir
İlahiyyat İnstitutunun yaradılması yalnız Azərbaycan təhsili üçün deyil, bu həm
də cəmiyyətimiz üçün möhtəşəm bir hadisədir”.
Deputat qeyd edib ki,
İslam dininin simvolik rəngi olan yaşıl rəng dövlət bayrağımızda yer alib: "Bu
hal İslam dininin elmi şəkildə öyrənilməsini, habelə mükəmməl İlahiyyat İnstitutunun
yaradılmasını da zəruri edir. İslam Universitetinin respublikamızda mövcud
olması, uğurla fəaliyyət göstərməsi ilə yanaşı, İlahiyyat İnstitutunun da
yaradılması respublikamızda dini təhsili daha da mükəmməlləşdirəcək. İslam
dininin əsaslarının orta məktəblərdə tədris olunmasının həmişe tərəfdarı olmuşam.
Deputat seçilərkən təbliğat platformasında bu istiqamətin yer aldığı yeganə
deputatam. Dəfələrlə bu məsələni qaldırmışam. Heç kim üçün sirr deyil ki,
siqaretdən başlayaraq bir çox zərərli əməllər orta məktəblərə çoxdan ayaq açıb.
Allah kəlamlarının məktəblərimizə daxil olması nəinki təqdirəlayiq və dəstəklən,
habele savab yazılan bir əməl olardı. Həmin zərərli əməllərə qarşı mübarizədə də
kəsərli silah olardı”.