ANA SƏHİFƏ / MƏDƏNİYYƏT

"İnsanlar mənə qəribə baxır, söz atırlar" - Azərbaycanlı "Çarli Çaplin"

6262    |   2018-09-01 12:00
Şriftin ölçüsü:
A+ Böyütmək
A+ Balacalaşdır

"Mən hələ uşaq yaşlarından Çarlinin fanatı idim. Onun kimi qrimlənib, onun kimi hərəkət edib, onun kimi gəzirdim. Bir sözlə, onu təqlid edirdim. Aktyorluq sənətimi seçməyimin səbəbi də Çaplin sevgisidir. Həftədə bir dəfə Çarli ilə bağlı filmlər verilirdi, baxıb görürdüm ki, o, insanları güldürür, düşündürür. Çarli Çaplinin simasında mən də istəmişəm ki, insanlara gülüş verim. Bəlkə də Çarliyə baxmasaydım, heç aktyor olmayacaqdım".

Adalet.az xəbər verir ki, bunu azərbaycanlı "Çarli Çaplin" Mehman Abdullayevin Milli.Az-a müsahibəsi zamanı deyib.

- Hansısa teatrda çalışmısınız?

- Bəli, teatrda çalışmışam, amma siz özünüz bilirsiniz ki, teatrda maddiyat çox zəifdir. Ona görə də teatrı tərk etmişəm.

- Yolda, küçədə insanlar sizi necə qəbul edir?

- Təbii ki, bu obraz mənə kompleks yaşadır. Dəfələrlə avtobusla gedib-gəlmişəm. Bir neçə ildir ki, yalnız taksidən istifadə edirəm.

- Kompleksə görə?

- Bəli, insanlar qəribə baxırdılar, söz atırdılar. Kimlərsə məni incitməsin deyə taksidən istifadə edirəm. Deyə bilmərəm ki, məni hamı qəbul edir. Qəbul edən də var, etməyən də.

- Çarli olmaq sizə neçəyə başa gəlib?

- Çarli olmaq üçün, ilk öncə, insanın görünüşü buna imkan verməlidir. Hər balacaboy aktyordan da Çarli olmaz. Çarlinin özünə uyğun mimikaları, jestləri, hərəkətləri var. Bunları bilmək çox vacibdir. Bundan əlavə geyim də böyük rol oynayır. Mən 2-3 ildən bir özümə yeni kostyum tikdirirəm. Qazancımın yarı hissəsi, demək olar ki, elə kostyumlara gedir.

- Qazancınız hardandır?

- Qazancımı Allah yetirir. Ad günlərinə, toy şənliklərinə dəvətlər alıram. Həm böyükləri, həm də balacaları əyləndirirəm.

- Bu obrazdan gələcəkdə başqa necə istifadə etmək istərdiniz?

- Mənim hal-hazırda yalnız bir arzum var. O da Çarli Çaplin haqda film çəkib, özümü dünyaya tanıtmaqdır. Siz bilirsiniz ki, hər il Çarli Çaplinin oxşarları yarışması keçirilir. Mən də orada iştirak etmək istərdim. Bu sahədə mənə böyük dəstək lazımdır.




İmza:

Bakı Ali Neft Məktəbində “Nəsimi” filmi nümayiş olundu

Astanada Qara Qarayevin 100 illiyinə həsr olunan tədbir keçiriləcək

Xalça Muzeyində beynəlxalq konfrans olub

Marat Haqverdiyevin 80 illiyi qeyd olunacaq

Əbülfəs Qarayev şikayətləri dinlədi

Dahi bəstəkar Üzeyir Hacıbəylinin portretləri açıq səma altında yaradılacaq

Mingəçevir Dövlət Dram Teatrının əməkdaşları təltif edilib - ADLAR

Xəzər Gəncəliyə “Əməkdar artist” fəxri adı verildi

Prezident Sumqayıt Dövlət Dram Teatrının əməkdaşlarını təltif etdi - SİYAHI

“Aşıq Şəmşir bir nəslin, bir rayonun deyil, bütün Azərbaycanın dəyəri və qürurudur”

“Heç nəyə ehtiyacım yoxdur” - Xərçəngdən əziyyət çəkən aktrisa

Prezident və xanımı “Azərxalça” ASC-nin Lənkəran filialının açılışında

SON XƏBƏRLƏR
2018-10-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Mamed:
- Qurtardı, arvadı boşayıram.
Qulam:
- Niyə?
- Təsəvvür edirsən, dünən səhər saat yeddiyə yaxın sakitcə yaxınlaşıram evimizin qapısına. Fikirləşirəm ki, ehmalca qapını açıb xəlvətcə sivişim otağa ki, heç kim bilməsin nə vaxt gəldiyimi. Elə bu zaman arvad da mənnən bir vaxtda qapıya yaxınlaşır, necədi səninçün?!
Soruşuram: "Hardan gəlirsən bu vaxt, aaaz?" Deyir ki, "ən yaxın rəfiqəm Tomagildən". Mən də dedim "qurtardı, boşanırıq!"
- Ay gədə, bəlkə elə doğrudan da Tomagildən gəlirmiş?
- Qələtdi dəə eləyir, Tomagildən mən gəlirdim...




digər lətifələr
ARXİV
FACEBOOK