Rusiya 10 ildən sonra Tbilisidə viza mərkəzi açdı
Tbilisidə Rusiya viza mərkəzi fəaliyyətə başlayıb. Mərkəz Gürcüstan və digər ölkələrin vətəndaşlarından, həmçinin vətəndaşlığı olmayan şəxslərdən Rusiyaya giriş vizaları almaları üçün müraciətləri qəbul edəcək.
Adalet.az bildirir ki, bu barədə "TASS” agentliyinə İsveçrənin Tbilisidəki səfirliyində fəaliyyət göstərən Rusiyanın Gürcüstandakı maraqları bölməsindən məlumat veriblər.
Qeyd ediblər ki, Tbilisidə açılan Rusiya viza mərkəzinin əməkdaşlarına viza sənədlərilə bağlı bütün əməliyyatların yerinə yetirilməsi üçün rəsmi səlahiyyətlər verilib. Viza müraciətləri ilə bağlı məlumatlar işlənib hazırlandıqdan sonra Rusiya viza mərkəzi sənədləri Rusiyanın Gürcüstandakı maraqları bölməsinə ötürəcək. Bölmədən bildiriblər ki, viza mərkəzi yalnız xidməti funksiyaya malikdir, vizaların verilməsi və sənədlərin yoxlanılması diplomatların və müvafiq qurumların səlahiyyətinə aiddir.
Xatırladaq ki, 2008-ci ilin avqust müharibəsindən sonra Tbilisi Moskva ilə diplomatik münasibətlərini rəsmən kəsərək, yalnız konsulluq əlaqələrini saxlayıb. 2009-cu ildən isə İsveçrənin Tbilisidəki səfirliyində Rusiyanın Gürcüstandakı maraqları bölməsi, müvafiq olaraq İsveçrənin Moskvadakı səfirliyində isə Gürcüstanın Rusiyadakı maraqları bölməsi fəaliyyət göstərir.
Digər Xəbərlər
29 Mart 2024 16:45
Solovyova qardaş "müjdə"si :Ermənistanda proqramlarının yayımı dayandırıldı
29 Mart 2024 15:42Ermənistanı tərk edən Qarabağ ermənilərinin sayı AÇIQLANDI
29 Mart 2024 15:33Paytaxtda 181 avtobus yeni nəqliyyat mübadilə mərkəzindən hərəkət edəcək
29 Mart 2024 13:26Pulu olmayan bələdiyyələr fəaliyyət göstərməməlidir – Fazil Mustafa
29 Mart 2024 10:46