Əbülfət Mədətoğludan yeni şeir: DİLƏK
Dan üzündən dilədim
Göz yaşımı qurutsun...
Dilin bilə bilmədim -
O qız məni unutsun!
Dilək dilənən yerdən
Göyərsin, çubuqlasın...
Yadına düşüm hərdən -
Dizlərin yumruqlasın...
O, unudub sevinsin
Solmayan yarpaq kimi...
Unudulub sevinim -
Bir ovuc torpaq kimi...
Bu nə təzad, nə də ki,
Xoş istək yaratmaqdı.
Qaysaqlamış - məndəki
Yaranı qanatmaqdı!..