Bakı 21°C
Əbülfət Mədətoğludan yeni şeir: ÇATIR
Üz-üzə durmuşuq yerlə-göy kimi
Nə əlim toxunur, nə səsim çatır.
Yığıram bir yerə bütün gücümü -
Adını çəkməyə nəfəsim çatır...
Ruhumdan ərköyün- dəcəl tapmıram
Adam tək öldürən əcəll tapmıram...
Dizimə döyməyə macal tapmıram -
Köməyə bu sinə-qəfəsim çatır!
Gözüm dirənincə baxır yoluna
Gözümün işığı axır yoluna...
Məni bu dünyanın axır yoluna -
Uğurla !- deməyə həvəsim çatır!
