Vətəndaşlıq alan məşhur robot Azərbaycana gəlir
Dünyanın tanınmış robotu olan Sofiya oktyabrın 27-28-də Bakıda keçirilməsi planlaşdırılan "Global Influencer Day” tədbirində iştirak edəcək.
Adalet.az Oxu.Az-a istinadənxəbər verir ki, tədbir "Keepface DMCC” və "FA International Trade Events” şirkətlərinin əməkdaşlığı və dəstəyi ilə keçiriləcək.
"Hanson Robotics” şirkəti tərəfindən süni intellekt əsasında yaradılan Sofiya yumor hissinə, müəyyən məsələlərə cavab vermək bacarığına və əvvəlcədən müəyyən mövzular üzrə sadə söhbətlər aparmaq qabiliyyətinə malikdir.
Tədbirdə həmçinin, dünya şöhrətli "Google”, "Microsoft”, "Forbes” və "Instagram” kimi şirkətlərin nümayəndələri iştirak edəcək.
Qeyd edək ki, ötən il Ər-Riyadda keçirilən tədbirlərdən birində Sofiya Səudiyyə Ərəbistanı tərəfindənvətəndaşlıq alıb.Bundan başqa, tarixə ilk vətəndaşlıq alan robot kimi düşən Sofiyamüsahibələrindən birində ailə qurmaq, uşaq sahibi olmaq istədiyinidilə gətirib.