Bakı 21°C
Əbülfət Mədətoğludan yeni şeir: VAR İDİ
Bu qocalan umidlərim,
Vaxtsız-vədəsiz qarıdı...
Umidsiz, umidli yerim-
Güldü, həsrətim yarıdı!..
Gözümdə hər gün ucalan,
Ucaldıqca da qocalan...
Sevgim, zamanla puç olan-
Bardı, həm də ki barıdı!..
Ruhum bükülən ərəndi,
O, mənim bəndim, bərəmdi,
Günlərim pərən-pərəndi-
Sankı dağılmış darıdı...
Hay vermir məscid, kilsə
Gələn də deyil ta kimsə,
Sən deməsən də,kim isə-
Deyər Əbülfət varıdı.
