Trampla Putinin təkbətək görüşü başa çatıb
Rusiya prezidenti Vladimir Putinlə ABŞ prezidenti Donald Trampın Helsinkidəki ilk təkbətək görüşü başa çatıb.
Adalet.az "RİA Novosti”yə istinadən xəbər verir ki, görüş gözlənildiyindən daha uzun çəkib. Protokola görə, ikitərəfli danışıqlara bir saat yarım vaxt ayrılsa da, Trampla Putinin yalnız tərcüməçilərin iştirakilə olan təkbətək görüşü 2 saat 10 dəqiqə çəkib.
Bunun ardınca digər siyasətçilərin də iştirakilə daha geniş tərkibdə ABŞ-Rusiya danışıqları aparılacaq. Protokola əsasən, geniş formatlı görüşün 1 saat 45 dəqiqə çəkəcəyi gözlənilir.
Qeyd edək ki, Trampla Putinin bu günkü görüşü onların çoxtərəfli beynəlxalq forumlar çərçivəsindən kənar keçirdikləri ilk təkbətək görüşdür. Danışıqların əsas mövzuları ABŞ-Rusiya münasibətlərinin hazırkı vəziyyəti və gələcək inkişafının perspektivləri, Rusiyanın ABŞ-dakı seçkilərə müdaxiləsi məsələsi, həmçinin beynəlxalq gündəliyin aktual məsələləri – Suriya və Ukraynadakı böhrandır. Bağlı qapılar arxasında görüşü davametdirməzdən əvvəl Tramp bildirib ki, indi ikitərəfli əlaqələrin normallaşması üçün imkan yaranıb və ümid edir ki, Rusiya ilə xüsusi münasibətlər formalaşacaq.(azvision.az)
Digər Xəbərlər
19 Aprel 2024 12:30
Delimitasiya komissiyasının erməni sədri özünə müşavir təyin etdi
19 Aprel 2024 11:12Rusiya Ukraynaya aviazərbələr endirdi - Ölənlər var
18 Aprel 2024 18:37ABŞ İrana qarşı sanksiyaları genişləndirib
18 Aprel 2024 18:09F-16 qırıcısı yaya qədər Ukraynaya verilə bilər
18 Aprel 2024 16:56