ANA SƏHİFƏ / ELM VƏ TƏHSİL

Bakı Ali Neft Məktəbində nazirliklə birgə təqdimat keçirilib

1625    |   2018-07-12 12:13
Şriftin ölçüsü:
A+ Böyütmək
A+ Balacalaşdır

İyulun 11-də Bakı Ali Neft Məktəbində (BANM) Əmək və Əhalinin Sosial Müdafiəsi Nazirliyi (ƏƏSMN) və BANM-ın birgə təşkilatçılığı ilə iş yerlərində bədbəxt hadisələrin qarşısının alınması sahəsində profilaktik tədbirlərə dair təqdimat keçirilib.

Tədbirin əsas məqsədi əməyin təhlükəsizliyi məsələsinə diqqətin artırılması və ölkəmizdə fəaliyyət göstərən iri şirkətlərin iştirakı ilə Beynəlxalq Sosial Təminat Assosiasiyası (ISSA) tərəfindən geniş təbliğ olunan "Vision Zero” təşəbbüsü ("sıfır ölüm hadisəsi, ciddi xəsarət və peşə xəstəliyi”) üzrə təqdimatın keçirilməsi olub.

Tədbirdə BANM-ın rektoru Elmar Qasımov,əmək və əhalinin sosial müdafiəsi nazirinin müavini Mətin Kərimli, ISSA-nın prezidenti, Almaniyanın İş Yerində Bədbəxt Hadisələrdən Sosial Sığorta Təşkilatının (DGUV) baş direktoru Yoakim Bröyer, ƏƏSMN-nin aidiyyəti struktur bölmələrinin rəhbərləri, ölkədə fəaliyyət göstərən müxtəlif transmilli şirkətlərin nümayəndələri, BANM-ın professor-müəllim heyəti və tələbələri iştirak ediblər.

Tədbiri giriş sözü ilə açan E.Qasımov qonaqları salamlayaraq bildirib ki, bəzən müxtəlif səbəblərdən iş yerlərində bədbəxt hadisələr baş verir, nəticədə müəssisələrə və onların əməkdaşlarına ciddi zərər dəyir. Rektor hər bir şirkətdə və müvafiq qurumlarda bu hadisələrin qarşısını almaq üçün təlimlərin və maarifləndirmənin vacib olduğunu vurğulayıb. E.Qasımov Ali Məktəbdə ƏƏSMN-nin təşəbbüsü ilə keçirilən hazırkı tədbirin də bu məqsədlə təşkil olunduğunu söyləyib.

M.Kərimli istehsalatda baş verən bədbəxt hadisələrin əməyin təhlükəsizliyi tələblərinin yerinə yetirilməməsindən, bir çox hallarda isə əməyin mühafizəsi normalarının tətbiqinə biganə münasibətdən və ya bu sahədə məlumatlılığın aşağı səviyyədə olmasından irəli gəldiyini qeyd edib. Nazir müavini bildirib ki, belə hadisələrin baş verməməsinin mümkünlüyü ilk növbədə hər bir işçinin sağlam və təhlükəsiz əmək şəraiti ilə təmin olunmasından, istehsalatda qəza hallarının qarşısının alınması üçün vacib olan önləyici tədbirlərin görülməsindən birbaşa asılıdır. Bu mənada ISSA-nın "Vision Zero” təşəbbüsünün təbliği ilə yanaşı, bu təşəbbüsün praktik müstəvidə geniş şəkildə reallaşdırılması xüsusi önəm kəsb edir. M.Kərimli əməyin təhlükəsizliyinə nəzarət sisteminin innovativ üsullar əsasında təkmilləşdirilməsinin bu gün ƏƏSMN-nin əsas hədəflərindən olduğunu deyib, əməyin mühafizəsi ilə bağlı işəgötürənlər arasında nazirlik tərəfindən aparılan məlumatlandırma işlərini diqqətə çatdırıb.

Y.Bröyer "Vision Zero” təşəbbüsü ilə bağlı təqdimat edib. O qeyd edib ki,"Vision Zero” təşəbbüsünə görə, iş proseslərində baş verə biləcək bütün qəzaların və xəstəliklər qarşısı alına bilər. Bu məqsədlə Vision Zero təşəbbüsünün tərəfdarı olan şirkətlər, onun partnyorları iş yerlərində təhlükəsizlik, sağlamlıq və rifah kimi üç əsas dəyəri yaymaq və inkişaf etməsinə kömək üçün çalışırlar. Cənab Bröyer təqdimat zamanı müəssisələrdə ölüm hadisələrinin sıfra endirilməsi, ciddi xəsarət və peşə xəstəliklərinin qarşısının alınması üçün təcrübədə istifadə olunan "qızıl qaydalar”dan və atılması labüd olan praktik addımlardan bəhs edib.

Daha sonra BANM-ın rektoru E.Qasımov ISSA-nın prezidenti Yoakim Bröyeri Ali Məktəbin "Fəxri qonaq” plaketi ilə təltif edib.

Tədbirin sonunda iştirakçılar əməyin təhlükəsizliyi və bədbəxt hadisələrin qarşısının alınması ilə bağlı onları maraqlandıran sualları Yoakim Bröyerə ünvanlayıblar.

Təqdimatdan sonra cənab Bröyer Ali Məktəbin kampusunu gəzərək burada tələbələr üçün yaradılmış şərait və təlim-tədris proseslərilə tanış olub.

Qeyd edək ki, 1927-ci ildə əsası qoyulmuş ISSA sosial təminat sahəsində vahid prinsiplərin və qabaqcıl standartların hazırlanması və təşviqi, bu sahədə beynəlxalq əməkdaşlığın həyata keçirilməsi, milli, regional və beynəlxalq səviyyələrdə sosial təminat siyasətlərinin təkmilləşdirilməsi, tədqiqatların aparılması, bilik və məlumat mübadiləsinin həyata keçirilməsi, üzv təşkilatlara texniki yardımın göstərilməsi ilə məşğul olan təşkilatdır.





İmza:

“UNEC-in ikinci əlaçı təqaüdü təhsilimizə, inkişafımıza investisiya etmək şansı verdi” - MÜSAHİBƏ

700 bal toplayanlara UNEC-də ikinci ixtisas ödənişsiz olacaq

Bakı Ali Neft Məktəbində nazirliklə birgə təqdimat keçirilib

Olimpiada qalibləri UNEC-in xüsusi təqaüdünü qazanacaq

Nazir müavini: “Buraxılış siniflərində imtahan nəticələri 4,75 faiz yaxşılaşıb”

Tələbələrin köçürülmə və yerdəyişməsinin nəticələri bu ayda açıqlanacaq

BANM-ın tələbələri Petkimdə işə və təcrübəyə başlayır

BANM-da ilk MBA proqramına qəbul 100% oldu

Magistratura üzrə respublika 1-cisi: “Təhsilimizi UNEC-də davam etdirmək uğurlu olacaq”

UNEC-in dissertantı Gəncə hadisələrini pislədi: “Gənclər bilməlidirlər ki…”

BANM-ın 15 məzunu SOCAR-ın Kompleks Qazma Trestində işə başlayıb

UNEC-n Zaqatala filialında təhsil haqları azaldılıb

"BANM-a qəbul olmağım həyatımda dönüş nöqtəsi oldu"

UNEC-in gənc müəllimi ABŞ universitetində tədqiqat aparır

BANM-ın məzunları Karbamid zavodunda işə başladılar

Magistratura üzrə respublika 1-cisi: “Təhsilimizi UNEC-də davam etdirmək uğurlu olacaq”

BANM-ın tələbələri Petkimdə işə və təcrübəyə başlayır

UNEC-in dissertantı Gəncə hadisələrini pislədi: “Gənclər bilməlidirlər ki…”

Tələbələrin köçürülmə və yerdəyişməsinin nəticələri bu ayda açıqlanacaq

Bakı Ali Neft Məktəbində nazirliklə birgə təqdimat keçirilib

“UNEC-in ikinci əlaçı təqaüdü təhsilimizə, inkişafımıza investisiya etmək şansı verdi” - MÜSAHİBƏ

BANM-da ilk MBA proqramına qəbul 100% oldu

SON XƏBƏRLƏR
2018-07-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Zakir Fəxri təyyarə ilə Moskvaya uçur, yanında sarışın, qəşəng bir qız oturub. Zakir qıza deyir ki, yol uzaqdı, gəl növbə ilə bir-birimizə sual verək, sən tapmasan mənə 5 dollar verərsən, mən tapmasam sənə 500 dollar verərəm. Qız razılaşır. Zakir:
- Yerlə ayın arası neçə metrdi?
Qız deyir bilmirəm və çıxarıb 5 dollar verir. Sonra
- O kimdir ki, dağa üç ayaqla çıxır, dörd ayaqla düşür?
Zakir çox fikirləşir, dostlarına zəng vurur, cavabı tapa bilmir və qıza 500 dollar verir. Sonra soruşur ki, yaxşı doğrudan maraqlıdı, o kim idi?
Sarışın qız sakitcə çıxarıb Zakirə beş dollar verir və deyir, ki, heç mən də bilmirəm.




digər lətifələr
ARXİV
FACEBOOK