ANA SƏHİFƏ / MƏMLƏKƏT

Gəncədəki hadisələrin arxasında kimlər durur? - AÇIQLAMA

2274    |   2018-07-11 12:02
Şriftin ölçüsü:
A+ Böyütmək
A+ Balacalaşdır

"Gəncədə son günlər baş verən hadisələr, Gəncə şəhər icra başçısı Elmar Vəliyevə qarşı sui-qəsdin törədilməsi, ötən gün qanunsuz aksiya keçirmək istəyən 200-ə yaxın başıpozuq dəstənin Gəncənin baş meydanında polislərə qarşı qəddarlıqla sui-qəsd etmələri, iki polis zabitinin öldürülməsi onu göstərir ki, radikal dini qüvvələrin arxasında Azərbaycanın müstəqilliyini, güclənməsini istəməyən, Azərbaycanı parçalamaq, dağıtmaq, sabitliyini pozmaq istəyən qüvvələr dayanır".

Adalet.az xəbər verir ki, bu barədə AzVision.az-a açıqlamasında Milli Məclisin deputatı Musa Quliyev bildirib. Onun sözlərinə görə, bu insanların hərəkətləri bir mərkəzdən idarə olunur:

"Adətən hər hansı aksiya, nümayiş keçirilərkən onun təşkilatçısı, məqsədi, şüarı məlum olur. Dünənki hadisədə hər hansı müraciət olmayıb, başında kimin durduğu bilinmir, məsuliyyəti kimin üzərinə götürdüyü bəlli deyil. Görünür ki, bu, iğtişaş üçün hazırlanmış qrup idi. Hüquq-mühafizə orqanları Gəncədə müvafiq işlər görürlər. Saxlanılan insanların istintaqı aparılır. Yəqin ki, yaxın vaxtlarda rəsmi bəyanat olacaq ki, bu işlərin arxasında kim dayanır”.

M.Quliyev qeyd edib ki, hadisə ilə bağlı Azərbaycanın ictimai-siyasi qüvvələri münasibətlərini bildirməli, mövqelərini ortaya qoymalıdırlar: "Bu hərəkəti lənətləməli və Azərbaycan prezidentinin, dövlətinin yanında olduqlarını bəyan etməlidirlər. Müxtəlif dini qurumlar, konfensiyalar da öz mövqelərini bildirməlidir ki, onlar da bunlara qarşıdırlar. Ekstremist qüvvələri təşkil edənlər, iştirakçılar Azərbaycan qanunlarının ən sərt tələbləri ilə cəzalandırılmalıdır”.

Deputat vurğulayıb ki, sosial şəbəkələrdə, müxtəlif saytlarda kimlərisə təhrik, çağırış edən insanlar aşkarlanmalı və onların haqqında lazımi iş görülməlidir. "Dövlətin maraqları tələb edirsə, müəyyən dövr ərzində sosial şəbəkələrin bağlanmasına da getmək olar. Gəncə hadisəsi bir siqnaldır. Ola bilər ki, başqa şəkildə belə hadisələr davam edər. Azərbaycan dövləti kifayət qədər güclüdür, hər şey güc orqanları, hüquq-mühafizə orqanlarının nəzarəti altındadır. Azərbaycan xalqı bu insanlara heç bir dəstək vermir və nifrətini bildirir. Dünənki hadisə zamanı Gəncə əhalisinin bunları lənətləməsi və bu gün də eyni prosesin davam etməsi onu göstərir ki, həmin dəstədə olanlar hazırlanmış və məqsədli şəkildə ortaya atılmış radikal yönümlü insanlardır və onlara qarşı mübarizə aparılacaq”.



İmza:
SON XƏBƏRLƏR
2018-07-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Zakir Fəxri təyyarə ilə Moskvaya uçur, yanında sarışın, qəşəng bir qız oturub. Zakir qıza deyir ki, yol uzaqdı, gəl növbə ilə bir-birimizə sual verək, sən tapmasan mənə 5 dollar verərsən, mən tapmasam sənə 500 dollar verərəm. Qız razılaşır. Zakir:
- Yerlə ayın arası neçə metrdi?
Qız deyir bilmirəm və çıxarıb 5 dollar verir. Sonra
- O kimdir ki, dağa üç ayaqla çıxır, dörd ayaqla düşür?
Zakir çox fikirləşir, dostlarına zəng vurur, cavabı tapa bilmir və qıza 500 dollar verir. Sonra soruşur ki, yaxşı doğrudan maraqlıdı, o kim idi?
Sarışın qız sakitcə çıxarıb Zakirə beş dollar verir və deyir, ki, heç mən də bilmirəm.




digər lətifələr
ARXİV
FACEBOOK